Presentar era sollicitud 9418 - 9418-FP-grau-superior Departament d'Educació

La presentacion de sollicituds de preinscripcion comença a las 9 oras.

La òrdre de presentacion de las sollicituds afècta pas l'assignacion de plaças. Per aquel motiu, e en prenent en compte que se pòt presentar la sollicitud al cors de las 24 oras del jorn, vos recomandam qu'accedissètz pas a far la sollicitud de preinscripcion a primièra ora del jorn 25 de mai, que se dobrís lo tèrme, per evitar saturar la plataforma.

  • Termini entà presentar era sollicitud: deth 25 ath 31 de mai de 2021

  • Termini entà presentar era documentacion: enquiath 1èr de junh de 2021

Consultatz eth calendari complèt en web Preinscripcion.

Era documentacion acreditatiua que cau presentar la cau júnher digitalizada ara sollicitud (escanejada o fotografiada) en quatau e darrèr pas, nomentat "Documentacion e confirmacion". Era documentacion que cau presentar obligatòriament ei destacada en letres grasses en quatau onglet dera sollicitud, e cau junher-la entà poder enviar era sollicitud.

Documentacion identificativa:

Se se presente era sollicitud electronica e s'indique eth còdi identificador der escolan o era escolana deth Registre d'Escolans de Catalonha (RALC), se recuperaràn es donades e non calerà adjuntar cap d'auta documentacion identificativa. S'er escolan o escolana non a còdi identificador pr'amor que non a estat escolaritzat prealablament en Catalonha, cau júnher eth libre de familha e eth document d'identitat der escolan/a e deth pair, mair o tutor, se non s'an pogut validar o se s'an identificat damb eth passapòrt o eth document d'identitat d'un país dera Union Europèa. S'er escolan a 18 ans o les hè en 2021, solament cau presentar era identificacion der escolan/a. Se se presente era sollicitud en supòrt informatic, cau júnher eth libre de familha e eth document d'identitat de qui presente era sollicitud (eth pair, era mair o eth/era tutor/a). Tanben cau presentar eth document d'identitat der escolan/a, se non s'a pogut validar o s'a identificat damb eth passapòrt o eth document d'identitat d'un país dera Union Europèa. S'er escolan a 18 ans o les hè en 2021, sonque cau presentar eth document d'identitat der escolan/a.

Documentacion de critèris:

Era documentacion acreditatiua des critèris de prioritat depen dera via d'accès de cada sollicitaire; la podetz consultar en web Estudiar en Catalonha. Sonque cau presentar-la se non s'a pogut validar electronicament, pr'amor que, en generau, s'obten des bases de donades deth Departament d'Educacion e se mòstre ena lista de sollicituds de preinscripcion ath centre damb era puntuacion provisionau.

Entà poder corsar cicles de grad superior de formacion professionau cau complir es requisits academics qu'establís era norma corresponenta.

Non i a taxes associades ad aguest tramit.